Moin,

uns Harten hebbt ja jümmer schon för uns Plattdüütsche Schölers schlagen! Nu aver weet wi siet den Landeswettstriet an’n 08. Junimaand in de Neddertüütsche Bühn in Kiel mal al wedder, dat uns Plattschnacker grote Klasse sünd! Blots een Daag vörher hett Karl ut de 6. Klaas den Anrop kreegen, datt he doch antreten schull, wiel en Vörleeser ut de Klaas 5. bit 7. Klass utfallen is.

Un wat schalln wi seggen? He hett mit wenig Anstalten un de Geschicht „Emil hett dat Been braken“ en fein drütten Platz makt un wiest, dat he en boorn Plattleeser is!

Ok uns Jessica ut de 10. Klass hett sik mit en prima drütten Platz ünner söss Vörleesers ut de 8. bit 10. Klaas en letzt Mal as en vun de Landesgröten mit ehr toloost Geschicht vun „Sneewittchen un de söven Öllern“ vörstellen kunnt. Bi den nächsten Wettstriet op Platt in 2023/2024 will se in uns Jury wesseln un ok de tokamen Plattleesers fit maken för ehr upregend Reis dörch de verscheeden Wettstrieträng.

Tosamen mit de drütte Vörleesersch ut Bad Segarg, Merle Santen vun de Dahlmannschool, hebbt de Sebarger Kinners de Konkurrenz dücktig opmischt 😉 Dor totohören wehr mal al wedder en bannig Vergnögen!

För de Schöler geev dat as Dank för ehr dulle Vördrääg för jedeen to de Urkunn ok en Büddel vund de Sparkass mit veele sinnig Sachen för den Schoolalldag: Schluckkbuddel (klimagerecht nich ut Plastik!), Büxbeenspangen, Feddertasch, Wohrschuwest un en Gutschien to’n Wünsche wohr warden laten.

Jahne Urbschat