Moin tosomen!

De eerste Rund is to End gahn: Friedag, den 19. Januor hebbt fief Damen in de Jury setten un de Leeskünste vun dree Schölers ut verscheeden Klassen geneten. Siet de Harvstferien hebbt de Kinners mit de Plattschnackerin Jahne Urbschat övt un övt. Dat Resultat kunn sik hören laten:

Karl Koll ut de 8. Klass hett mit de Geschicht „Dükern“ verkloort, wo lang he ünner Water blieben kunn obschon dat en gefährlich Akschoon is, wenn en mit den Foot ünner Water fastsitten deiht. Niklas Komp ut de 5. Klass hett in de Geschicht „De Slötel“ vertellt, wo dat is, wenn de inslopen Opa noch nach siene Dodenfier en Överaschung hett un man gor nicht bang in Düstern sien mutt.Und Benjamin Hutsch ut de 6. Klass hett mit de Geschicht „Höhnermist“ seggen, dat een in’t Kino kommt obschon em den ganzen Stahoi üm Filmopnahmen in Brodersby schietegal sünd.

De twee Lehrersche Petra Herbst un Wiebke Szukay ut de Dütsch-Fachschaft, de ehemalige Platt-Vörleserin Jessica Urbschat ut de 12. Klass und twee Damen ut de Plattdütsch-Region, Petra Weede un Meike Steen-Tensfeldt, harn dat nicht eenfach. Jedeen vun de Vörleser hett seine Qualitäten. An’t End weern Karl Koll und Niklas Komp de Glücklichen, de as Sieger in ehre Wettstriet-Rang in Mart in de Stadtbökerie in de nächste Rund vörlesen dörft.

Wi freien uns vun Harten över düsse Präsentatschoon. Platt is cool un de Spaaß kümmt bi’t Schnacken 😊

Hett mi al wedder bannig Spaaß makt!

Hartlich Gröten,

Jahne Urbschat